Victor Osimhen do të jetë në Stamboll gjatë ditës së sotme për t’u bashkuar gjigantit turk, Galatasaray, në formë të përhershme.

Sipas Fabrizio Romano, të gjitha dokumentet janë firmosur dhe marrëveshja është përfunduar, shkruan Arbresh.info.

Napoli do të përfitojë 40 milionë euro menjëherë dhe edhe 35 milionë euro të tjera në vitin 2026, përveç një përqindjeje nga shitja e ardhshme të sulmuesit nigerian.

Osimhen pritet të mbërrijë në Turqi, gjatë orëve të ardhshme dhe do t’i nënshtrohet vizitave mjekësore të enjten.

Transferimi është praktikisht i mbyllur, mungon vetëm prezantimi zyrtar nga klubi turk.

Sulmuesi nigerian ka luajtur si futbollist sezonin e kaluar tek Gallata, ku ka shkëlqyer me 37 gola dhe tetë asistime në 41 ndeshje.

Osimhen ka pasur edhe oferta nga klube tjera të mëdha evropiane, por që ka zgjedhur skuadrën nga Stambolli si destinacionin e tij./Arbresh.info